IKHWELO LENTSHUKUMO
EBANTWINI 2010
Sele kukangangonyaka
apho sathi
sadibana kunye singangabemi baseMzantsi
Afrika abaxhalabileyo ngenkqubo yezemfundo kawonke-wonke nalapho sathi
sahlaba
ikhwelo lentshukumo likawonke-wonke
kwezemfundo. Nangona unyaka ugqithile akubangakho nkqubela phambili ingako yokumelana
nemiceli-mngeni esijongene nayo kwinkqubo yezemfundo.
Abantu abahluphekileyo babeke ithemba labo
kwezemfundo kuba inkqubo yezentlalo esinayo ikhangeleka njengefadaleleyo
kubantu abaninzi.
Iyinyaniso yona into
yokuba inkqubo yethu yezemfundo iyingxubakaxaka kwaye ayilolutho ebantwaneni
bethu. Ukuba akujongwana nayo, oku akuzokujongela phantsi uphuhliso lwezoqoqosho
nelezentlalo kuphela, koko kuya kujongela phantsi ukusebenza kwedemokhrasi
yethu.
Nangona zininzi iintshukumo zokuphucula imfundo, nemigaqo-nkqubo ,
phofu konke oku kusenziwa ngeenjongo ezintle, sisaqhubekeka
ukubethelela ii
ndidi ezimbini
zemfundo eMzantsi Afrika—eyenzelwe abantwana bezityebi neyenzelwe abantwana
basezidolophini nasemaphandleni abahluphekayo.
Uninzi lwabantwana bethu lufunda kwizikolo ezingenazixhobo zaneleyo
zokufundisa, ezinekamva elimfiliba nezoyikekayo.
Uninzi lwabantwana bethu abakafikeleli
kwimfundo engolwimi lweenkobe kwaye uninzi lwezi ntsizana zabantwana luyanyanzeleka
ukuba lufunde lulambile. Iziphumo zohlolo lwelitheresi, inyumeresi kunye
nezengqiqo zibonisa indlela inkqubo yethu yezemfundo
eqhubekeka ngayo ukuvelisa iimpawu zemfundo
eyayiphantsi kwenkqubo yocalucalulo.
Asikwazi ukusoloko sityhola ootitshala nabafundi
bezikolo ezihluphekayo kule ngxubakaxaka.
Njengesizwe, asizidalanga ngempumelelo iimeko zokuphuhlisa imfundo
eyimpumelelo kwezi
zikolo—njengesizwe
kudingeka ukuba sidibanise iintloko size siluthathele kuthi uxanduva
lwezemfundo.
Ingxubakaxaka kwezemfundo luxanduva
lukarhulumente kunye nathi sonke, singuwonke-wonke.
Njengabemi kwisizwe esisebenza phantsi
kwedemokhrasi, akufunekanga silubaleke uxanduva lokubandakanyeka
kukawonke-wonke. Ukongeza, le ngxubakaxaka kwezemfundo yintsindabadala
yenkqubo yezemfundo yesizwe kwayeke ngoko
inkulu kakhulu ukuba singaxhomekeka kwiinzame zikarhulumente kuphela.
Ngenxa
yokuba uluntu luluqwalasele
kakhulu
uphuhliso kwezepolitiko, kukhangelela ngathi
siyilibele into yokuba impumelelo kunye nemfundo
esexabisweni elililo ixhomekeke kwiintshukumo
zoluntu luphela.
Ngoko keziyavakala
izingqi zokunganeliseki ngokwezemfundo, sikwanqwenela
nentsebenziswano enkulu ecwangciswe
ngokusesikweni.
Kungoko
sihlaba eli khwelo kuluntu lonke
lwaseMzantsi Afrika: abemi
abaxhalabileyo ngezemfundo-abatsha nabadala, abazali,
abantu ekuhlaleni, abafundi, ootitshala kunye
nabanye abafundisi baseziyunivesiti, amaqumrhu azimeleyo asebenza ngemfundo
kunyo nabo basikhokeleyo esizweni nabemibutho yangaphandle ukuba badibane nathi
kwezi nzame zokuqinisekisa ukuba imfundo kawonke-wonke ibekwa phezulu kwi-ajenda
kazwelonke—kuba, kuxa sisebenzisana kunye apho singenza khona umahluko ngokuthi
silubuyisele kuthi uxanduva lwedemokhrasi yethu nokukhankasela ukuba uluntu
luzibandakanye kuyo yonke imiba yezemfundo.
Okokuqala,
sicela bonke abantu baseMzantsi Afrika abangeka
tyikityi
eli
khwelo
ukuba
balityikitye.
Thabatha inxaxheba
kwiingxoxo uzibandakanye kweli khwelo. Oku kuya kwakha isiseko sabo bonke
abantu baseMzantsi Afrika ukuba badibane baze benze luqilima ikhonkco
nentshukumo kwezemfundo engabandakanyi qela lezepolitiko umntu aphuma kulo
Sihlaba ikhwelo kubo bonke
abemi
abaxhalabileyo ngezemfundo ukuba
bakhankasele uthatho nxaxheba kwezemfundo
kwaye benze iingxoxo ezivulelekileyo nezinzulu ngemiba yezemfundo.
Sihlaba ikhwelo
kwimibutho,
abafundisi-ntsapho nabo bonke abantu abasebenza
ngezemfundo ukuba badibane kunye babelane ngamava nezinto ezibaxhalabisayo
kwaye eyona nto ibalulekileyo bafumane iindawo abavisisana kuzo.
Sihlaba ikhwelo
lokuba bonke
abantu baseMzantsi Afrika bashukume kulo nyaka ka-2010 baze bathathe icala
ngendlela abayibona ngayo imfundo kawonke-wonke ngokuthi baxhase
injongo
e-1: Umkhankaso wemfundo kawonke-wonke.
Sixakekile siseka unxibelelwano oluquka abantu
abazimeleyo, abantu ekuhlaleni kunye nemibutho yoluntu oluphuma kwiintlanga
ngeentlanga ukuba badibane ngemiba yemfundo baze bakhankasele
imfundo eyiyo ngendlela esebenzayo kunaxa
sisenza xa sisodwa.
Ukuze sifumane
imfundo esiyinqwenelela umntu wonke wase-Mzantsi Afrika nokuqinisekisa ikamva
eliqhakazileyo esasilithembise ulutsha nabantu bethu ngo1994 kudingeka ukuba
sivakalise izimvo zethu, sithethe ngokuphandle size sisebenze nzima ngemiba
yemfundo. Ngenxa yoku, sicwangcisa ukuhlanganisa uluntu nemibutho ezibandakanyayo
noku kunye
kwinkomfa kazwelonke apha
ku-2010
Apha ngezantsi kudweliswe imiba esixhalabisayo
nebesisoloko sicinga ngayo esinokuthi sisebenze ngayo.
Nangona kunjalo, njengokuba olu nxibelwano
lukhula, ludibana ngezimvo
nangenxaxheba
oluyidlalayo, eminye imiba esinokuthi sisebenze ngayo iza kuvela:
-
Ukuxhaswa
kwelitheresi eMzantsi Afrika
ngokuthi kukhuthazwe
inkcubeko
yokufunda;
ze iincwadi zenziwe
ukuba zifikeleleke kumntu wonke eMzantsi Afrika, hayi kubantu abazizityebi
bodwa, kuphinde kwakhiwe amathala eencwadi kukhuthazwe namaqela afundayo
ekuhlaleni kuMzantsi Afrika uphela.
-
Ukungeniswa
ngokukhawuleza kwenkqubo esisinyanzeliso
yesondlo sabantwana besikolo engenabuqhophololo,
ekufuneka iphendule ngokwenzekileyo
kubantu ekuhlaleni, khona ukuze noyena uhluphekileyo umntwana afumane
isondlo esidingekeayo khona ukuze angene esikolweni ehluthi.
-
Ukusekwa
kwekomishoni kazwelonke ezimeleyo egxile kwimfundo, ingakumbi
ezilalini nasezilokishini zabantu abahluphekileyo. Le komishoni kuza
kufuneka inikwe uxanduva lokubamba iindibano ezivulelekileyo kuwonke-wonke
neziselubala,
igxile kakhulu
ekuveni amava
neembono zabantu
abahluphekileyo ze ihambele kude neendlela zokubona zabantu
‘abaziingcaphephe’ ezisetyenziswayo kwiingxoxo zemigaqo-nkqubo zeminyaka
egqithileyo nezithe zavala abantu imilomo.
Injongo yale komishoni kukuvelisa inkqubo ecingisisiweyo
nesebenzayo yotshintsho olumandla lwenkqubo yezemfundo iphela, ze igxile
ngakumbi kwizidingo zabona bantu bahluphekayo basezilalini
nasezidolophini.
Unyaka
ka-2010
ngunyaka ochulumancisayo noweziganeko apho
sinamathuba okubonisa ihlabathi indlela esele siyihambile. Kodwa akufuneki
sivumele iziganeko zika-2010 ukuba zitshintshe iimbono zethu ngendlela
ekusamele siyihambe yaye akufuneki
silibale nangokubaluleka kokuzabalazela imfundo esemgangathweni yabo
bonke abantu baseMzantsi Afrika . Kuba ihlabathi liza kube lijonge kuthi,
masilithabathe eli thuba
sisisizwe,
sidibane sikhankase kwakhona
size sivane
ngohlobo lwemfundo esiyifunela abantwana bethu nabanye abantu elizweni
lethu
abadinga uphuhliso lwezemfundo
ngokulinganayo. Kuxa sizithembayo ukuba singakwenza oku apho sinokuthi sakhe
uMzantsi Afrika
esawulwela ixesha elide
nesisawulwelayo nanamhla oku.